A semana pasada celebramos na escola a chegada do outono; e con el tivo lugar o primeiro encontro plurilingüe (galego-inglés). Así, a profe Katrina e a profe Mayte contáronnos o conto "Leaf Man" (O Home Folla), mentras que un home folla moi simpático voaba polo Espazo Fedelleiro a causa dos sopridos dos nenos e nenas.
Posteriormente, unha vez que reflexionamos e indagamos sobre que cambios acontecen en Outono, (caen as follas, escoitamos o vento asubiar, collemos castañas, as follas son predominantemente dunhas cores determinadas...), levamos a cabo un taller de grafismo, no que os nenos e nenas de 4 anos tiñan que decorar o interior dunha folla, baixo a consigna "empregar todas as cores que teñamos na cesta". Ao día seguinte, tiñamos que simular ao vento mover esa folla, e para iso precisábamos pincel e témpera líquida. Ademais, puidemos averiguar que lles pasa as cores cando añadimos branco. A continuación podedes ver o proceso do taller e o resultado final. BENVIDO OUTONO!
No hay comentarios:
Publicar un comentario