Expo #barrionautasEastronovos

 Remata o noso proxecto con esta magnífica exposición no noso espazo fedelleiro, preme na imaxe para vela!👀

ANIVERSARIOS DE NOA, ERIK E JULIA!

Estes días celebramos os aniversarios de Noa, Erik e Julia. E non porque cumprisen o mesmo día, senón porque cumprían no verán. Época na que estamos de vacacións, por iso quixemos celebrar as súas aniversarios antes de que empezasen e así festexalo todos xuntos ao grande!💃

 

NEPTUNO O ÚLTIMO PLANETA DA NOSA VIAXE ESPACIAL

Estes días por fin chegamos ao último planeta da nosa viaxe pola sistema solar, Neptuno. Primeiro puxémonos a investigar sobre algunhas curiosidades deste planeta azul. Descubrimos que é o oitavo planeta do sistema solar, que é un planeta tan frío como Urano e que estaba formado por gas metano, un gas que lle dá esa característica cor azul. Sabiades que o seu nome fai referencia ao deus romano dos océanos por ser de cor azul.

 

 

Unha vez recollida esta información sobre o planeta Neptuno, démonos conta de que o rato Paco deixáranos algo no seu cofre secreto e claro non nos puidemos resistir a ver o que había dentro. No seu interior atopamos varias cousas: vinagre, bicarbonato de sodio, unha botella de plástico e varios globos. Para que servirían? Despois dun duro debate na asemblea, decidimos probar e ir mesturando os diferentes elementos na botella, ata que... pump💥 ! O globo inchouse igual que o planeta gaseoso Neptuno!

 

Como ao final sobraban moitos globos, xa que o rato Paco foi previsor, decidimos levarnos un cada un para poder facelo na casa! Se as familias queredes tentalo botádelle un ollo ao vídeo de abaixo 👀!

 

PARABÉNS ALEJANDRO!!

Hoxe celebramos o aniversario de Alejandro. O seu aniversario era mañá Sábado pero non se ía a librar da celebración no cole. Cantamos, rimos, sopramos as velas, pedimos dexesos, bailamos, sacámonos fotos e ata lle tiramos das orellas!😆 Felices 4 anos Alejandro!

 

 

 

OKUPACIÓN ESCORNABÓTICA DEIXA PEGADAS NA NOSA CLASE

Aquí ensinámosvos as plantillas "housemade" que fixeron algunhas familias para xogar co escornabot. Plantillas que logo ensinaron no cole os seus creadores aos compis con moitas ganas, e claro non pudiemos resistir a xogar con elas durante o curso. Moitas grazas familias por participar!

Julia e Anxo elaboraron plantillas cos elementos que forman o espazo

Marina elaborou unha plantilla sobre as constelacións que podemos atopar no ceo

A PROFE IRENE VISITÁNOS AO COLE!

 Hoxe tivemos unha visita moi especial no cole, porque despois de varios meses visitounos a profe irene para lernos un conto! e non un conto calquera senón que nos leu o conto titulado "Baby Pop", un libro educativo que nos conta como é a vida dun bebé no ventre da súa nai durante os 9 meses do embarazo, sabedes por que nos leu este conto?... porque Irene está embarazada, por iso non pode vir ao cole esta tempada para coidar do seu bebé. Tamén descubrimos que ía ser nena e ata soubemos o marabilloso nome que ía ter, Minia.

 

Ademais Irene contounos que nos botaba moito de menos, asi que nos tiña un par de agasallos preparados que non puidemos resistir a abrir! Un de eles era o conto de "Clementina y los planetas" e o outro un libro titulado "Superpegatinas todos a la luna" que teñe un montón de pegatinas relacionadas co proxecto de este ano, o espacio!

 O que non sabía é que nós tamén a botabamos unha chea de menos así que tamén lle tiñamos unha sorpresa preparada, un chaveiro co nome de Minia que fixemos coa impresora 3D!

Moitísimas gracias por todos eses detalliños, foi unha visita moi especial para nós! Volve sempre que queras!...e se é con algo nas máns mellor que mellor!😆