Despois de estar a investigar sobre o planeta Saturno, tocoulle a quenda ao sétimo planeta do sistema solar, Urano.
Para iso, primeiramente na asemblea descubrimos algunhas das cousas que
caracterizan a este planeta, o cal é moi pero que moi frío, ademais de
que tamén ten aneis pero son tan pequenos que son super difíciles de ver.
Unha vez analizada toda a información, descubrimos que o rato Paco deixáranos algunhas cousas na asemblea, unhas cubetas de xeo xunto cuns depresores
de cores, por que nos deixaría iso?
Despois dunha larga conversa chegamos á conclusión de que a Paco
gustaríalle que experimentásemos o frío que fai no planeta Urano, pero... como lograriamos crear xeo?, asi
que tivemos que volver pensar... ata que descubrimos necesitariamos
auga, do lavabo, e frío, do conxelador do comedor. Pero non fariamos
calquera xeo, senón que para que fose máis divertido botámoslle un pouco
de alegría e cores.
Pasaron uns días, decidimos ir buscar as cubetas de xeo para ver se efectivamente a auga conxelouse.
E asi foi! 😱 pero ao volver a clase, Paco volveu facer das súas! Deixara un papel branco
enorme na asemblea.... así que decidimos pintar sobre el xa que tiñamos
os xeos de cores, pasámolo pipa!
Cal será o derradeiro planeta que nos falta por descubrir? 😎
Este venres tiñamos unha sorpresa no fedelleiro! Ao entrar,
descubrimos unha instalación artística cunha chea de materiais cos que
podiamos experimentar no chan a partir do xogo libre. Decidimos construír estacións espaciais, ovnis, foguetes, planetas...
Hoxe 17 de Maio celebramos o día das letras galegas. Este ano o autor homenaxeado é "Florencio delgado gurriarán",
é por iso que esta semana estivemos a investigar, traballar e mesmo
ler algúns dos seus poemas. A partir de todo o que fomos aprendendo, todo o cole
creamos un vídeo dedicado á vida do homenaxeado para partir do croma que temos no espazo fedelleiro, que o seu traballo custou!
Así o fixemos...
E aquí o resultado...
Ademais caracterizámonos de Tanxugueiras, para representar un baile da súa coñecida canción "Terra", caracterización levada a cabo grazas á profexeila e representación grazas á profesilvia!