Esta semana a profe Paula preparounos unha actividade sorpresa a cal estaba composta por tres caixas misteriosas. As caixas estaban pechadas e tiñan uns buratiños por diante para poder meter as nosas mans e experimentar co sentido do tacto. Fomos super valientes e descubrimos diferentes texturas (suave, áspera...)
Encantounos!
Premendo na imaxe poderedes saber máis desta actividade que tivo lugar no espazo fedelleiro a semana pasada e que nos encantou.
O ratiño Paco deixanos cada día un conto agochado no baúl da clase e a semana pasada o conto viña con sorpresa. Ao subir do patio as luces da aula estaban apagadas, escoitábase unha música relaxante e Paco estaba subido na mesa de luz co conto “Pequeno azul e pequeno amarelo”.
Escoitamos moi atentos o conto e ao acabar practicamos a mestura das cores azul e amarelo (con círculos de papel celofán e con témperas) e descubrimos que se convertían en verde. Despois, co pincel, intentamos debuxar círculos coa cor verde resultante.
Durante todo este curso o tema do proxecto será o espazo e estas son algunhas das actividades que estivemos levando a cabo.
-AMBIENTACIÓN: empregando as novas tecnoloxías convertémonos en astronautas e empregamos estas imaxes para decorar os nosos casilleiros.
-IDEAS PREVIAS: despois da lectura do conto "Los planetas" de Margarita del Mazo e Cecilia Moreno facemos unha posta en común das cousas que sabemos do espazo, recollémolas por escrito e cada nen@ fai a súa propia representación gráfica das ideas previas que ten respecto a este tema.
