XORNADA II: #QUEDANACASA

PROPOSTA PARA COMBATER O TEMPO NA CASA II

COMENTAMOS EN FAMILIA

Algo anda a pasar nas casas da xente estes días... Observa e comenta: cantas cousas atopas do revés?

QUE DÍA É HOXE?

Seguimos co traballo do calendario. Conversamos sobre que día é hoxe, buscámolo no calendario, observamos e analizamos que día foi onte, que día é mañá. Xogamos a buscar un día en concreto e o neno/a deberá localizalo no calendario. Seguimos a traballar o homenaxeado do mes de marzo que comezamos a traballar no Muncyt e na escola: JORGE PETEIRO (pintor). Podedes buscar obras de arte deste pintor na rede e analizalas verbalmente: que cores aparecen, se son tristes ou alegres, que cores non aparecen nelas, por que será, miramos a ver se podemos identificar algunhas cousas que nelas aparecen...

Hoxe é 17 de marzo de 2020, e seguimos na estación do... INVERNO. Escribimos a data curta (17-3-20), o noso nome... e miramos o tempo en www.meteogalicia.es ou mirando a través das fiestras.

SESIÓN DE POESÍA: "PAXARIÑA DE PAPEL".

Esta poesía tamén ten unha versión musical de "A banda dos cueiros" que podedes escoitar premendo no seguinte enlace: https://www.youtube.com/watch?v=5oR5YtJ3ZjI

ACTIVIDADES QUE PODEDES FACER A PARTIR DELA:

     - Comentar a poesía.

     - Escribir o título nun folio "PAXARIÑA DE PAPEL".

     - Facer o debuxo do que máis lle gustou.

     - Por detrás, escribir o nome e a data curta: 17/03/2020

EXPERIMENTO: O ARCO DA VELLA LÍQUIDO

SAÍDA VIRTUAL: xa que temos que #quedarnacasa!!! Rematamos a proposta de hoxe cunha visita guiada virtual pola Torre de Hércules, ás 12:00 da mañá no enlace de facebook que aparece na seguinte imaxe:

MOITAS GRAZAS A TODOS E TODAS E POR FAVOR, SEGUIDE COMPARTINDO CONNOSCO TODO AQUILO QUE DESEXEDES!