ÁMBITO DE ARQUITECTURA E LÓXICA (3° TRIMESTRE)

Neste último trimestre contamos coas seguintes propostas:

-Construción con pezas Meli Stick

-Bandexas con propostas de lóxica 

-Parchís

-Gran construción

-Crebacabezas en parella

-Xogos cooperativos

-Modelado con plastilina

PROPOSTAS DE ENTRADA RELAXADA

Desde fai uns meses estamos realizando unha nova dinámica consistente en levar a cabo diferentes actividades en pequeno grupo no momento da entrada. Dividímonos en 4 pequenos grupos e imos rotando cada día polas distintas propostas.

-Construcións

-Arte ou grafomotricidade creativa

-Plastilina

-Lectoescritura ou lóxica matemática (guiadas pola mestra)

EXPERIMENTOS DO MES DE ABRIL

Ao longo do mes de abril, levamos a cabo dous experimentos con auga que nos resultaron moi interesantes.

No primeiro comprobamos como as velas precisan de osíxeno para manterse encendidas e no momento en que ese osíxeno se agota porque a tapamos cun bote de vidro a vela apágase e a auga introdúcese dentro do bote para igualar a presión atmosférica. 

Co outro experimento puidemos comprobar a capilaridade da auga. Dobramos un papel de cociña e pintamos os bordes con rotus de diferentes cores, a continuación enchemos dous recipientes con auga e introducimos o papel xa pintado. Co paso do tempo imos vendo como a auga vai subindo polo papel empapándoo todo e formando un arco da vella.

TRANSMISORAS NO TEMPO

No seguinte enlace podedes ver e practicar coas nenas e nenos na casa algunhas das actividades que estivemos facendo en función das informacións que nos foron chegando en relación coas avoas e bisavoas: a que adicaban o tempo, como se divertían, como era a vida antes...

Buscamos as idades das nosas transmisoras no tempo nas fotos colgadas polas escaleiras do cole e anotámolas nun papeliño. Despois, na aula, buscamos eses números na táboa do 100 da pantalla.

E, a continuación, ordenamos as idades de menor a maior e rexistramos individualmente nunha táboa impresa.

EXPERIMENTO: NEVE NO CUEIRO

A semana pasada puidemos crear a nosa propia neve mediante un experimento moi sinxelo.

Só precisamos auga e un cueiro.

ÁMBITO DE ARQUITECTURA E LÓXICA (2º TRIMESTRE)

 A zona dos imanix deu paso ás pezas korbo cun montón de engrenaxes cun sinfín de posibilidades de creación tanto en plano como en altura.

Cambiamos os materiais do espazo de grandes construcións con animais introducindo as pezas gigi, teas, paus e insectos.

Renovamos os crebacabezas e introducimos novas bandexas con diferentes propostas relacionadas coa lóxica, a orientación espacial, a concentración ou a resolución de problemas.

A nova proposta guiada de miniarquitectos consiste na libre creación con cartón e ferramentas makedo. Como punto de partida, estamos iniciándonos no uso do punzón e do desparafusador.

COCIÑAMOS PIZZA

Onte preparamos a masa e deixámola levedar.

Hoxe fomos recollela á neveira.

Amasamos, botamos os ingredientes e metémola no forno.

E aquí tedes o resultado!

MANUALIDADES DE NADAL

 -Árbores con cartón e lá

-Bolas en acetato

-Mandalas

TRABALLO EN EQUIPO

 Durante estas semanas a nosa mestra en prácticas, Laura, estivo levando a cabo unha actividade enmarcada dentro do noso proxecto "A máquina do tempo".

En relación coa temática da escritura xa iniciada en sesións anteriores, realizamos a lectura previa dun conto no que se explican os inicios da mesma.

A continuación, realizamos as seguintes propostas en pequenos grupos que foron rotando cada día pasando así por todas as actividades.

-Area: realizar o trazo dun símbolo inventado por eles e trasladalo á cartolina coa area e pegamento. Escribir o nome dese símbolo.

-Arxila: representar a súa inicial na arxila empregando como modelo as escrituras cuneiformes. Para axudarnos usamos un molde triangular feito coa impresora 3D.

-Papiro: tratamos de imitar aos antigos exipcios coa elaboración da trama do papiro, recortando tiras de cartolina que despois pegamos sobre un soporte de cartón. Empregamos a regra para medir e despois recortar coas tesoiras. 

-Mural: estampamos sellos relacionados con cada etapa da escritura nun mural.

Por último, para deixar constancia de todo o aprendido con esta actividade, realizamos un pequeno traballo de mesa.

EXPERIMENTOS

 Ao longo deste curso estamos a introducir unha nova secuencia didáctica relacionada coa ciencia: os experimentos.

Presentamos os materiais que precisamos, lemos e tratamos de comprender a secuencia de pasos para levalo a cabo e, antes de realizalo, formulamos as nosas hipóteses para tratar de averiguar que cremos que vai a suceder.

Por último, deixamos rexistrado este proceso.

OS INICIOS DA ESCRITURA

A invención da escritura sinala o inicio da historia e, ao longo destes días, estamos aprendendo un montón de cousiñas relacionadas con este tema.

Inicios da escritura

Diferentes formas de escritura: intentamos descifrar os xeroglíficos exipcios para saber como se escribirían os nosos nomes naquela época.

Soportes: visionamos diferentes vídeos informativos para comprender estes procesos

-Arxila

-Pedra

-Papiro

-Pel (pergamiño)

-Papel

SAMAÍN 2025

Aquí vos deixamos algunhas das actividades que realizamos durante estes días con motivo da celebración do Samaín.

-Receita: Biscoito de cabaza 

-Arte con cepillos de dentes

-Grafomotricidade creativa

-Visita á exposición de cabazas na biblioBN

-EncontXo in English coa lectura do conto "Boo" e cancións de samaín